الرئيسية > عام > وما الحياة إلا بضعة أسئلة ….

وما الحياة إلا بضعة أسئلة ….

مجموعة أسئلة وجدتها فى مدونات عديدة أردت بالطبع أن أسجل إجابتى عليها :
أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟
وردتين لوالدتى (واحدة ليها وواحدة لأبى (رحمه الله ) تخليها معاها ) – إسماعيل هنية .
لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟
(وما الحياة الدنيا إلا متاع الغرور )
(كل نفس ذائقة الموت فمن زحزح عن النار وأدخل الجنة فقد فاز )
(لا تنام قبل أن لا يكون فى قلبك غل على أحد )
ما هو هدفك فى الحياة ؟
توصيل الاسلام لغير المسلمين لإيمانى بحقهم فى ذلك وبذنبنا فى عديم توصيله لهم ( فى صورته الصحيحة ) .
“إن شاء الله بكرة هيكون أحسن من النهاردة “هل تصدق هذه المقولة ولماذا ؟

( أثق )… دى واحدة من قواعدى فى الحياة

اللى بانى عليها حاجات فى حياتى … منها إنى عايز أخش الجيش مش أهرب منه … لأنى موقن بقدوم حاكم مسلم يحشد القوى لمحاربة أعداء الاسلام فلن يأخذ من لم يتم تدريبه بل سيكون الأولوية لم قضوا الفترة العسكرية بالطبع وغيرها وغيرها من الأشياء وكل الدلائل تشير لذلك ..

أجمل مقولة سمعتها فى حياتك ؟؟
( من ترك شيئاً لله عوضه الله خيراً منه )
من المغنى اللى بتحبه أوى ؟؟
بفرق دايماً فى المغنيين المنشدين لعيبة الكورة فى حتة ما بين بحبهم أو بحب ما يقدمونه وفى كثير من الحالات بقول بحب ما يقدمونه سواء من أداء أو لعب … لأن ( من أحب قوماً حشر معهم ) … وعامة مفيش حد بحب اسمعه خصيصاً … لأن لا أحد يحافظ على تميزه …
و إيه أحلى أغنية بتحبها ؟؟
الحب شئ يتغير بتغير الزمن لذلك فالموضوع ده مش ثابت
لكن فى أغنية جديدة لـ (لؤى ) اسمها ( أدامنا يا مصرى تحدى كبير ) …
عجبتنى أوى أوى أوى أوى ….
“غزة ” تمثل لك إيه فى حياتك ؟؟
مثال صغير للإسلام لو تم تطبيقه بصورة صحيحة ده غير العزة …
أعطى لإنتمائك لوطنك درجة من مائة ؟؟

100

أن أنتمى إلى المكان الذى أعيش بيه وعلمى ومنطقتى وكل شئ
بدرجة كبيرة جداً ولى مع هذا الموضوع مواقف ….
لو تزوجت و أنجبت بنتين و ولدين أى الأسماء تختار لهم ؟؟
ده أنا ممكن أعمل أبحاث علشان أنقى اسم لكن مبدئياً …
على –  صفى الدين .
تقوى – سلمى .
(الأسماء قابلة للتغيير دورياً بل يومياً ) هاهاهاهاها
عمرك غشيت في امتحان وانت صغير؟؟
وأنا صغير لأ خالص …. ووأنا كبير فعلتها مرات تتعد على الصوابع بس فشلت فى جميع الحالات
لم أنجح سواء مرتين أو ثلاثة لكن فى جميع الحالات ندمت عليها … ورسبت فى الكيمياء لأنى
رفضت أن أغش …
لو أتعرض عليك رشوة كبيرة و انت فى زنقة مالية هتعمل إيه؟؟
بالطبع لا … كل شئ ممكن إلا الشئ الحرام … ده الواحد بيخاف يقول حاجة
فتطلع غلط … يقوم ياخد فلوس حرام …
قول 3 صفات ب 3 كلمات بس توصف بيهم شخصيتك؟؟
صعب أوى …
ايه المجال اللى غير دراستك وشايف نفسك فيه قوي ؟؟
الهندسة
بتحب السفر ؟؟
جداً … أحب أشوف أى مكان جديد أى مكان لأن دى خبرة جديدة
وده جميل …
طب دلوقتى حالا ايه المكان اللى نفسك تكون فيه ؟
مكة المكرمة للحج ( خايف ألا أموت من غير ما أحج ) .
تمرر التاج ده لمين ؟؟

للأخ صاحب مدونة ابن الشمال

http://ahmadmg.wordpress.com/

Advertisements
التصنيفات :عام
  1. يوليو 30, 2008 عند 10:17 م

    عفوًا أخ صلاح ولكن :
    تمرر التاج ده لمين ؟؟
    لاتعمي لمن تهديه ولكنها تعني ترسله لمن لكي يحله
    أعذرني على التدخل 🙂

  2. Salah El Deen
    أغسطس 2, 2008 عند 9:32 ص

    معلش مكنتش عارف الموضوع ده

    أمرره ليك حاعدل المقالة واكتب اسمك واسم مدونتك ….

    يللا انتا اللى جبته لنفسك …. هاهاهاها

  3. klghareeb
    أغسطس 5, 2008 عند 2:23 م

    مدونة رائعة يا صلاح
    واجاباتك اعجبتني

    اتمنى لك التوفيق

  4. Salah El Deen
    أغسطس 5, 2008 عند 4:50 م

    بارك الله فيك
    بس يا ريت تعرفنا بنفسك ….

  5. أغسطس 25, 2008 عند 9:52 ص

    طيب ممكن تعفيني من هذا التاج لأني حليت واحد مثله تمامًا

  1. No trackbacks yet.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: